Góð göngulest í gær

Göngulestin hélt af stað í mildu síðdegisveðri stundvíslega kl. 17 frá Menntaskólanum við Sund í gær. Um 10 manns tóku þátt í fyrstu lestinni. Rúnturinn reyndist taka ögn lengri tíma en ráðgert var en lestin verður auðvitað í þróun næstu laugardaga og mun laga sig að þátttakendum.

Hér er helmingur farþega, eða þeir sem á enduðu á upphafsstað en flestir nýttu sér þann kost lestarinnar að koma og fara á þeim stað er hentar hverjum og einum.  

 

 

 

 

 

kv. S 

Mikið um að vera á laugardag í Laugardal

Vá það er bara mikið um að vera um helgina. Göngulestin svokallaða hefst á laugardag, klukkustundar göngutúr fyrir alla sem áhuga hafa. Lagt af stað frá Menntaskólanum við Sund kl. 17.00 og genginn hringur sem er nokkurnveginn umhverfis Laugardalinn. Þetta verður vikulegur viðburður svo fremi að fólk taki við sér og fylli lestina. Ekki er nauðsynlegt að byrja hringinn við Menntaskólann því það er hægt að stökkva í og úr lestinni hvar sem er á leiðinni. Kort af leiðinni birtist í Laugardalsblaðinu sem kom út fyrir stuttu.Á eftir þessum göngutúr er svo hægt a skella sér á þorrablót Þróttar og halda áfram fjörinu fram á nótt. íbúasamtök Laugardals eru samstarfsaðilar Þróttar um þetta þorrablót og samtökin hvetja meðlimi til að fjölmenna og borða saman og skemmta sér. Það er hægt að nýta sér hópafslátt og þá bent á að hafa samband á netfangið [e-mail] fyrir 15.jan. Vonandi næst þá í stóran og góðan hóp.

 

Guttormi tókst ekki að koma göngulestarkortinu hér inn en ekki er allt glatað því hér er gönguáætlunin og ætti fólk að geta áttað sig á þessu:

Nr	Staður- tillögur	Staðsetning	kl
1	MS-torgið	Skeiðarvogur v/Gnoðarvog	17:00
2	Suðurlandsstígur við...Hestinn?	Suðurlandsbraut v/Langholtsveg	17:05
3	Dórahorn?	Langholtsvegur v/Skeiðarvog	17:10
4	Rauðatorgið	Langholtsvegur v/Álfheima	17:15
5	Helgahorn?	Langholtsvegur v/Holtaveg	17:18
6	Sunnutorg	Langholtsvegur v/Laugarásveg	17:20
7	Farfuglablettur?	Laugarásvegur / Sundlaugavegur/Dalbraut	17:30
8	Sundlaugatorg, Laugatorg, Skólatorg?	Sundlaugavegur v/ Reykjaveg	17:35
9	Þróttur, KSÍ?	Reykjavegur/Engjavegur	17:40
10	Jafnvægispunktur (yin yang)?	Á mörkum Húsdýra-, Fjölskyldu- og Grasagarðs	17:45
11	Glæsibær, Túnið, Bletturinn?	Engjavegur v/Gnoðarvog	17:50
12	Suðurlandsstígur?	Stígur við Olís	17:55
	MS-torgið	Skeiðarvogur v/Gnoðarvog	18:00

 

Svo er það þorrablótið!

 

Bestu kveðjur

f.h. Guttorms

Sigríður 

Góðan daginn Guttormur

Hmm, nú er komið nýtt ár og tímabært að vakna af dvalanum Guttormur góður.
Gutti hefur fregnað að mánaðarlega hittist hópur áhugasamra íbúa um gott og mannvænlegt hverfi. Eitthvað er að koma útúr þessu og hefur nautið legið á hleri og hefur einhverjar spurnir af því að um helgina sé að fara af stað "göngulest". Hvað er nú það? Það ætlar Guttormur að komast á snoðir um og upplýsa hér fyrir helgina.
kv.
Sigríður

Hinn árlegi útimarkaður í vændum

Tré aprílmánaðar

Það mætti halda að við værum í áskrift því að aftur er tré mánaðarins í hverfinu. Tré aprílmánaðar er marþöll sem stendur í Grasagarði Reykjavíkur í Laugardal. Það er Skógræktarfélag Reykjavíkur sem velur þessi fallegu tré mánaðarlega.

Í maí hefur Skógræktarfélagið valið glæsilegt birki við Háteigsveg.

 

kv.

Sigríður 

Tré marsmánaðar

 Í hverjum mánuði velur Skóræktarfélag Reykjavíkur tré mánaðarins. Í marsmánuði varð fyrir valinu rúmlega 18 metra há alaskaösp (Populus trichocarpa) í garði við Langholtsveg 158.

Sögu trésins og myndir er að finna á heimasíðu Skógræktarfélagsins: http://heidmork.is/index.php?option=com_content&task=blogcategory&id=8&Itemid=68

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Sigríður

Aðalfundur Íbúasamtaka Laugardals í kvöld

Við minnum á Aðalfund Íbúasamtaka Laugardals 2008 í kvöld,

miðvikudaginn 5. nóvember kl. 19:30 í Laugabóli (félagsheimili Þróttar og Ármanns).

Dagskrá:

(1) Ávarp formanns

(2) Venjuleg aðalfundarstörf

(3) Yfirlit yfir störf áhugahópa

(4) Aðalerindi kvöldsins. Hjálmar Sveinsson útvarpsmaður fjallar um Stefnu og stefnuleysi skipulagsyfirvalda á höfuðborgarsvæðinu.

Fundurinn verður haldinn í framhaldi af fjölskyldu- og frístundafundi Þjónustumiðstöðvar Laugardals og Háaleitis sem hefst kl. 17:30 og stendur til 19:30.

Aðalfundur íbúasamtakanna er öllum opinn og eru íbúar hvattir til að fjölmenna!

Stjórn ÍL

Elliðaárdalur - hver gætir hans?

Elliðaárdalur er í næsta nágrenni við okkur Guttorm, einstök perla að hafa í miðri borg. Þangað leita Reykvíkingar til útivistar, leikja og uppsetningu leiksýninga svo fátt eitt sé nefnt. Dalurinn er mikilvæg tenging í stígakerfi borgarinnar um græn svæði. Það er í samræmi við annað starf Guttorms að vekja athygli á stofnun hópsins Verndum Elliðaárdal í tilefni af breytingu á aðal- og deiliskipulagi Stekkjarbakka og nágrennis sem nú er í kynningu. Það er alltaf jafn sorglegt hvernig skipulagsumræðan virðist þurfa að hefjast á því hvað fólk vill ekki fá á einhverjum stað. Það er kannski vegna þess að svæði sem ekki hefur verið skipulagt er í huga íbúa útivistarsvæði en í huga yfirvalda ófrágengið. Það getur vel farið saman að finna lóðir við hæfi fyrir starfsemi borgarinnar og að varðveita náttúruperlur. Krefst ef til vill meiri fyrirhyggju af hálfu allra framkvæmdaaðila og auðvitað er verðmiði á lóðum sem er búið að úthluta áður, sem ekki er á þeim lóðum sem borgin úthlutar í fyrsta sinn. Útivistarsvæði hafa mikið varðveislugildi og verðmiði verður seint settur á Elliðaárdalinn og aðlæg svæði.

Íbúar við Laugardal hafa verið ötulir undanfarin ár að hvetja stjórnvöld í borginni til að varðveita græn svæði og efla aðdráttarafl þeirra til útivistar. Okkur til ómældrar ánægju nýtist Laugardalur fyrir útimarkaði og tónleika til viðbótar við alla þá nærandi útivist og hreyfingu sem þangað má sækja daglega ókeypis. Vonandi heldur varðveisla grænna svæða áfram, enda er fullljóst að sambærilega lóð og Stekkjarbakkann má finna í næsta nágrenni, hugsanlega á Höfða- / Hálsasvæðunum svo eitthvað sé nefnt.

Lilja Sigrún Jónsdóttir

Vitjum Friðarsúlunnar - og berum boðskap hennar heim

Kveikt var á Friðarsúlunni í Viðey í kvöld kl. 20:00, en einungis fáir
gáfu sér tíma til að fylgjast með. Yoko Ono hannaði Friðarsúluna og
býður hún nú almenningi upp á ókeypis siglingar út í Viðey á
tímabilinu frá 9.-15. október kl. 20 alla dagana. Hundrað og fimmtíu
manna bátur mun leggja frá bryggju á Skarfabakka kl. 20 alla dagana.

Yoko hvetur landsmenn til að leiða hugann að friði á jörð og hleypa
birtu og yl Friðarsúlunnar inn í hjörtu sín.

Á ferð um hverfið okkar nýlega sáust tendruð hvít ljós í tré í garði
og báru með sér notalegt mótvægi við andstreymi og bölmóðstal í
vaxandi skammdegi. Hvítt ljós Friðarsúlunnar sést vel úr hverfinu
okkar og hefur sömu áhrif með tímabærum skilaboðum. Gefum okkur tíma
til að vitja Friðarsúlunnar og tendrum okkar eigin ljós með skilaboðum
um von og vinarþel.

Lilja Sigrún Jónsdóttir

Tölur segja sínu máli.

Í ljósi umræðna um öryggi gangandi vegfarenda í Laugardal er rétt að endurbirta þessa færslu sem birtist á Guttormi í nóvember á sl. ári. Hér er færslan endurbirt óbreytt.

 

Kynferðisbrot voru jafnmörg framin í Laugardal og í miðborg Reykjavíkur árið 2006. Þar höfum við það!

Þetta kemur fram í umfjöllun Fréttablaðsins á síðu 8 í dag. Undirrituð tekur undir með lögreglustjóra segir að kanna þurfi þetta betur til að átta sig á hvernig bregðast skuli við. Kynferðisbrot eru alltaf alvörumál. Mér er sérstaklega umhugað um hina miklu umferð barna á svæðinu og vona svo sannarlega að lögregluyfirvöld vinni farsællega úr málinu hið skjótasta.

 

Meðfylgjandi tafla fréttarinnar yfir staðtölur er hér til hliðar og texti hennar hér að neðan:

 -------------------------------------------------

Jafnmörg kynferðisbrot framin í Laugardal og miðborg Reykjavíkur:

21 kynferðisbrot framið í Laugardal 

LÖGREGLUMÁL Framið var 21 kynferðisbrot í Laugardal á síðasta ári en það eru jafn mörg og framin voru í miðborg Reykjavíkur. Þetta er meðal þess sem kemur fram í skýrslu um afbrot á höfuðborgarsvæðinu sem Rannveig Þóris dóttir og Benjamín Gíslason unnu fyrir lögregluna.

Stefán Eiríksson lögreglustjóri sagðist ekki kunna skýringu á þessum mikla fjölda kynferðisbrota í Laugardal. „Þetta eru reyndar mikið til blygðunarsemisbrot og alls ekki allra alvarlegustu kynferðisbrotin sem þarna um ræðir. En það er engu að síður tilefni til að skoða þessar tölur með það að markmiði að átta okkur á því hvernig við eigum að bregðast við.“

Rannveig segir að þarna sé líklega um tilviljun að ræða sem gefi alls ekki tilefni til að draga ofmiklar ályktanir af. Til dæmis voru þessi brot einungis sex í Laugardal einu ári áður. Laugardalur kom ekki vel út í skýrslunni en 9,4 prósent allra brota á höfuðborgarsvæðinu voru framin þar. Það er fjórða hæsta hlutfallið á eftir miðborginni, Breiðholti og Kópavogi.

- jse
 -------------------------------------------------

Guttormur