"Samráð og grænar áherslur"

 Mig langar að benda á bloggfærslu Bjarkar Vilhelmsdóttur frá 8.3.07 en þar fjallar hún um Laugardalinn, lungu Reykjavíkurborgar, samráð og grænar áherslur.

Þar kemur m.a. eftirfarandi fram:

"Á fundi borgarráðs í morgun lá fyrir eftirfarandi tillaga. "Borgarráð samþykkir að stýrihópur um þróun og uppbyggingu í Laugardal verði lagður niður og stjórn íþrótta- og tómstundaráðs falin verkefni hans. "Að tillögu minni var samþykktinni breytt þannig að samráð væri tryggt við Íbúasamtök Laugardals og aðra hagsmunaaðila og gætt sérstöðu Laugardalsins sem græns útivistarsvæðis. Samstaða var um málið og niðurstaðan varð: Borgarráð felur ÍTR, í samstarfi við umhverfisráð og skipulagsráð, að taka við verkefni stýrihóps um þróun og uppbyggingu í Laugardal um þróun og uppbyggingu í Laugardal enda þarf að gæta að sérstöðu Laugardalsins sem græns útivistarsvæðið og tryggja að öll þróun og skipulag falli vel að umhverfinu.  Jafnframt verði haft samráð við íbúa og aðra hagsmunaaðila á svæðinu, m.a. með samráði við Íbúasamtök Laugardals."

SÓ