Útimarkaður Íbúasamtakanna verður 16. ágúst

Þann 16. ágúst verður árlegur Útimarkaður Íbúsamtaka Laugardals haldinn. Í þetta sinn við Elliðaárvog þar sem Smábátahöfnin og hjólabrúin eru.

Hér á síðunni til hægri (myndaalbúm - markaðir) getur þú skoðað myndir frá fyrri mörkuðum og einnig á facebooksíðu samtakanna,  https://www.facebook.com/laugardalur?ref=hl

Ef þú vilt skrá þig með söluborð hafðu þá samband við markaðsnefnd í gegnum [e-mail]

 

Takið daginn frá

Útimarkaður Íbúasamtakanna verður þann 16. ágúst.

Staðsetning auglýst síðar

 

Upprifjun

Stjórn Íbúasamtaka Laugardals í nóvember 2005 með þáverandi formanni sínum Guðmundi J. Arasyni.

Á myndinni eru auk Guðmundar, talið frá vinstri: Ragna M. Sveinsdóttir, Kristinn Gestsson, Sigríður Ólafsdóttir, Gauti Kristmannsson, Kristín Þorleifsdóttir og svo Gðmundur J. Arason lengst til hægri. Á myndina vantar þrjá stjórnarmeðlimi, þá Bjarna Jónsson, Helga Steingrímsson og Jón Guðmundsson.

Samtökin voru formlega stofnuð þann 27. september 2005 á opnum borgarafundi í Þróttaraheimilinu í Laugardal. Undirbúningshópur hafði þá unnið að stofnun og skipulagningu samtakanna í nokkra mánuði. 

Við kveðjum góðan félaga

Íbúasamtök Laugardals sjá á bak góðum félaga, Guðmundi J. Arasyni sem lést þann 9. apríl síðastliðinn og var jarðsunginn þann 29. apríl. Guðmundur var einn af upphafsmönnum Íbúasamtaka Laugardals og var hann fyrsti formaður samtakanna sem stofnuð voru 2005. Hann sýndi hagsmunum hverfanna í kringum Laugardal ávallt mikinn áhuga og sinnti formannsstarfi sínu af elju og einbeitni. Hann lagði sig mjög fram í umræðum um Sundabraut þegar hún var á döfinni á sínum tíma og var í hópi þeirra sem vildu verja hverfið fyrir óþarfri röskun. Hann vann að því verki með uppbyggilegum hætti og má segja að íbúasamtökin hafi undir forystu hans tekið þann pól í hæðina að koma með nýjar lausnir í stað þess að berjast einvörðungu gegn framkvæmdinni. Með sínum hætti var Guðmundur einn af frumkvöðlum íbúalýðræðis í borginni og kunnum við, félagar hans í íbúasamtökunum, honum bestu þakkir fyrir óeigingjarnt framlag sitt fyrir hönd hverfisins. Við minnumst hans með virðingu og hlýju og sendum aðstandendum hans okkar innilegustu samúðaróskir.
Kveðja frá Íbúasamtökum Laugardals

Hinn árlegi útimarkaður verður þann 17. ágúst

Útimarkaðurinn verður nú á horni Laugalækjar og Hrísateigs

Tíundi útimarkaður íbúasamtakanna haldinn 18. ágúst 2012

 Kæri granni!

Þá er komið að hinum árlega útimarkaði Íbúasamtaka Laugardals. Í ár verður markaðurinn haldinn laugardaginn 18. ágúst á torginu við Laugalæk/Hrísateig. Allt með svipuðu sniði og áður. Allir velkomnir að selja eða versla, dansa eða syngja o.s.frv.

 

Útimarkaður Íbúasamtakanna laugardaginn 27. ágúst kl.11-16

Kæri granni!

Þá er komið að hinum árlega útimarkaði Íbúasamtaka Laugardals. Í ár verður markaðurinn haldinn laugardaginn 27. ágúst kl. 11-16 í trjágöngunum milli Grasagarðsins og Fjölskyldu- og Húsdýragarðsins.

Þarftu að rýma geymsluna? Er bílskúrinn fullur? Sultaðirðu of mikið? Geturðu ekki borðað allar rófurnar og berin? Viltu skipta á skólabókum eða fötum?

Er saumaklúbburinn, kórinn, bekkurinn, foreldrafélagið eða íþróttafélagið að safna? Þetta er tilvalið tækifæri til fjáröflunar.

Allir velkomnir. Hvort sem þú vilt selja, kaupa, syngja, spila eða bara skoða stemninguna.

Seljendur panti pláss hjá markaðsnefnd með því að senda tölvupóst á [e-mail] fyrir 26.ágúst. Þátttaka kostar ekkert, þú kemur bara með borðið og það sem þú vilt bjóða til sölu.

Á markaðsdegi mun dalurinn iða af lífi því samdægurs verður uppskeruhátíð í Grasagarðinum og tónleikar og uppskeruhátíð býbænda í Fjölskyldu- og húsdýragarðinum.

Spennandi!

útimarkaður - götumarkaður