Vígvélar í Laugardal

Því miður hefur Laugardalurinn verið misnotaður af sjálfumglöðum ökuþórum á vélknúnum hjólum sem þeysa á fullri ferð eftir göngustígunum. Mest ber á þessu á kvöldin og eftir háttatíma. Það er varla að maður þori að vekja athygli á þessu vandamáli ef það væri til þess að vekja áhuga fleiri á að bruna þar um. Auk hættunnar sem af þessu stafar veldur þetta miklu ónæði og oft svefnrofi. Það er mikill misskilningur sjálfsréttlætingarinnar að þetta sé allt í lagi svona seint því svo fáir séu á ferli. Þetta er einfaldlega bannað.

En ekki nóg með það. Bifreiðum er einnig ekið greitt eftir gangstígum í þeim tilgangi einum að stytta sér leið yfir dalinn. Út um gluggann höfum við séð gangandi vegfarendur sem eiga fótum fjör að launa. Hér er ég ekki að tala um þá stöku þjónustubíla sem af og til nota gangstígana með tilheyrandi appelsínuljósi á þakinu (að sjálfsögðu).

Það er mikil þörf á að setja upp tálma á gönguleiðirnar. Hliðum sem sett eru upp í þeim tilgangi verður líka að loka strax aftur eftir að þau hafa verið notuð til gegnumaksturs af þeim sem til þess hafa leyfi.

Ólöf 

Athugasemdir

[Stefán (IP-tala skráð) 14.6.2007 kl. 09:23]

Ekki nóg með að bílstjórar og þá sérstaklega bifhjólamenn svíni þarna á fólki á gangstígum sem eru bannaðir ökutækjum, heldur má líka oft sjá hóp unglingsstráka spæna upp grasið í kring um gömlu þvottalaugarnar á skellinöðrum. Það þarf enginn að segja mér að foreldrum þeirra sé ekki vel kunnugt um þetta.

Stefán

[Bjarni Kjartansson, 14.6.2007 kl. 11:50]

Þessi ósiður vélhjólamana7ungmenna hefur nú einnig orðið vart í Hljómskálagarðinum.

Í gærkveldi fótbrotnaði unglingur á skellinöðru, eftir að hafa dottið.  ÞEir voru að tvímenna á nöðrunni og gerðu sér ekki grein fyrir, aðmeð áfallinu, verður grasið hált. 

Svo eru þeir sem eru að slá golfkúlur í garðinum.  ÞAð er auðvitað stórhættulegur leikur og er örugglega bannað.  Þangað koma menn að æfa sveifluna.  Hef nokkrum sinnum vrið í skotlínu, þegar ég geng með mína hundstík dagvissa kvöldgöngu okkar (og auðvitað í bandi)

Hér er vrkefni fyrir grenndarlöggæsluna og væri ekki úr vegi, að Lögreglan sneri sér nokkuð að þessum lögbrotum, íbúum til ánægju.  Þá sæist vel, að grendargæslan væri sívirk.

með kveðju ur 101

Miðbæjaríhaldið